Template:MakatwirangPagpapaliwanag/Moda

From Wikfilipino
Jump to navigation Jump to search

Para sa ilan, ang moda o “fashion” ay para lamang sa mga nakaaangat sa lipunan. Ngunit, hindi pa rin mapagkakaila na kasama ito sa ating pang-araw- araw na buhay. Halimbawa, ang isang pinuno ng bansa ay kailangang magsuot ng pormal sa mga mahahalagang pagtitipon, gayundin ang mga ehekutibo sa isang kompanya. Ang jeepney driver naman ay kailangang naka-uniporme at denim short na kaniyang karaniwang moda. Makikita naman ang isang propesyonal na nakasuot ng smart casual papasok sa kaniyang trabaho. Ang kolehiyala naman ay nakasuot ng karaniwang polo shirt, jeans, at sneakers papasok sa kaniyang klase.

Isa ang moda sa mga paraan kung paano natin ihahayag ang ating estilo at maaaring sumalamin sa ating pagkatao. Kahit ano pa man ang suot mo— branded man o hindi, ang mahalaga ay kung saan ka komportable. Hindi batayan ang halaga ng damit, ngunit kung paano mo ito dadalhin at kung paano mo gagamitin ang itong pagkamalikhain sa iyong pananamit.

Naniniwala ang WikiFilipino na kahit ano pa man ang iyong edad, paniguradong may yugto sa iyong buhay na naging interesado ka sa moda mula sombrero hanggang sapatos. Magsisislbing catwalk ang portadang ito ng iba’t ibang impormasyon tungkol sa industriya ng moda sa Pilipinas. Inaanyayahan ang lahat na makibahagi sa lumalaking komunidad ng WikiFilipino. Kung nais ninyong makatulong sa pagbuo nito, maaari kayong magpadala ng liham sa gmallorca@vibalgroup.com.