Template:Alam mo ba

Noong panahon ng mga Espanyol, tinatawag na kartilya (nagmula sa salitang cartilla) ang maliliit na aklat na ginagamit sa mga paaralang pang-elementarya. Naglalaman ito ng mga aralin ukol sa pagbasa at ng mga dasal. Ang kartilya ay nangangahulugan din bilang batayan ng mga panuntunan na dapat sundin sa isang samahan o lipunan. Ito ang dahilan kung bakit ang “Mga Aral ng Katipunan ng mga Anak ng Bayan” (1896) na isinulat ni Emilio Jacinto ay kilala rin sa tawag na “Kartilya ng Katipunan.”