Sawsawan

From Wikfilipino
Jump to navigation Jump to search

Ang Sawsawan ay isang salitang Filipino na may literal na kahulugang "dip" sa wikang Ingles. Maaari din itong isalin sa Ingles bilang "sauce". Mayroong iba't ibang klase ng sawsawan para sa iba't ibang mga putahe.

Saw-saw

Ang sawsawan ay maaaring tumukoy sa ibat ibang klase ng sauce. Marami sa mga Filipino ang mahilig sa sawsawan at karamihan sa mga putahe na kanilang kinagigiliwang isaw-saw ay ang mga putaheng prinito, inihaw, at pinausukan; gaya ng inihaw na isda, baboy, manok, baka. Kinagigiliwan din ng mga Filipino na isaw-saw ang mga pagkaing kalye gaya ng mga fishball, kikiam, kwek-kwek at iba pa. Gayun din sa mga prutas gaya ng mangga, santol at iba pa.

Mga Sawsawan

Hindi kumpleto ang Pilipinong hapag-kainan kung walang sawsawan. Ang tatlo sa pinaka-karaniwang ginagamit na sawsawan para sa mga ulam na Pilipino ay ang toyo, patis, at suka. Sa mga inihaw na pagkain tanyag ang kombinasyon ng toyo at suka na may halong sibuyas, kalamansi at bawang. Minsan sinasamahan din ito ng sili. Sa mga inihaw na manok at isda, ang pinakatanyag ay ang atsara, o mga tinabi at prineserbang mga gulay at prutas. Ang iba naman ay bagoong o patis. Sinasawsaw nila ito sa mga mangga, pagkaing may sabaw at iba pa. Bunga na rin ng paglabas ng iba't ibang klase ng sawsawan, unti-unti na ring nadagdagan ang mga paboritong sawsawan ng mga Pilipino para sa kanilang mga pagkain. Nangunguna ang banana ketchup, na pinagsasawsawan ng kahit anong pinirito at inihaw. Sumunod naman dito ang mayonnaise na mainam para sa mga hilaw na gulay. Pangatlo naman sa mga makabagong sawsawan ang thousand island dressing na mula sa pinaghalong ketchup at mayonnaise na kalimitang ginagamit para sa mga salad.

Panlabas na Kawing

Sanggunian

  • 101 Filipino Icons. Quezon City: Adarna House Inc., 2007.
  • Sawsawan ng Bayan Hinango noong 13 Hulyo 2009

Pagkilala

WikiFilipino logo 150.png Orihinal na nilalaman mula sa WikiFilipino sa bisa ng GNU Free Documentation License. Tingnan ang pagtanggi.