Proton

From Wikfilipino
Jump to navigation Jump to search

Ang proton o mulasik ay isang bahagi ng isang atomo. Natatagpuan sila sa nukleyus ng isang atomo kasama ng mga neutron. Ipinapangkat ng talahanayang peryodiko ang mga atomo ayon sa gaano kadaming mga proton ang mayroon sila. Ang nag-iisang atomo ng hidroheno (ang pinakamagaan na uri ng atomo) ay binubuo ng isang elektron na gumagalaw sa paikot sa isang proton. Karamihan sa masa ng atomong ito nasa loob ng proton, na halos 2000 mga ulit na mas mabigat kaysa sa elektron. Ang mga proton at ang mga neutron ang bumubuo sa nukleyus ng bawat isang iba pang uri ng atomo. Sa loob ng alin mang isang elemento, ang bilang ng mga proton ay palaging magkatulad. Ang atomikong bilang ng isang atomo ay katumbas ng bilang ng mga proton na nasa loob ng atomong ito.

Binubuo ang mga proton ng mga kuwark. Pinaniniwalaan na ang isang proton ay binubuo ng 3 mga kuwark, dalawang pataas na kuwark at isang pababang kuwark. Ang isang pababang kuwark ay may kargang -1/3, at ang dalawang pataas na kuwark ay may +2/3 bawat isa. Dumaragdag ito sa isang kargang +1. Ang isang proton ay may isang napakaliit na masa. Ang masa ng proton ay nasa bandang isang yunit ng masang atomiko. Ang masa ng neutron ay nasa bandang isang yunit ng masang atomiko rin.