Naga, Camarines Sur

From Wikfilipino
Jump to navigation Jump to search

Ang Lungsod ng Naga (Bikol: Ciudad nin Naga) ay isang 1st class o primera klaseng lungsod sa lalawigan ng Camarines Sur, Pilipinas. Ayon sa senso ng 2015, ito ay may populasyon na 196,003 sa may 41,280 na kabahayan. Ang Naga ay tinatawag din na "The Heart of Bicol" at "The Queen City of Bicol".

Kasaysayan

Bago pa ang pagdating ng mga mananakop na Kastila, ang Naga ay isa nang ganap na bayan na malapit sa Ilog Naga. Iyon ay naging mahalang bayan na may mga matitibay na kagamitang panlaban at nakamamanghang mahusay na kultura.

Nang sakupin ng mga Kastila ng ilang daan taon, ang kung ano ang Naga ngayon ay naging sentro ito ng kalakalan, edukasyon at kultura, at ang sentro ng pamahalaan at mga eklesiyastikong paghuhukom sa Bikol.

Noong 1573, sa pangalawang paglalakbay niya sa rehiyon, ang konkistador na si Juan de Salcedo ay tumapak sa bayan ay tinawag itong "Naga" dahil sa laganap na mga puno ng Naga ("Naga" sa Bikol)sa lugar. Noong 1576, Si Kapitan Pedro de Chávez ang pinuno ng garison na iniwan ni Salcedo, ang nakakita ng kasalukuyang lugar ng kalakalan, na pinangalanang la Ciudad de Cáceres, sa salitang Kastila, bilang pag-alaala kay Francisco de Sande, ang gubenardor heneral at katutubo ng lungsod ng Cáceres sa Espanya.

Lumipas ang panahon, at ang lungsod ng Kastila at ang bayan ng mga katutubo ay nagsama bilang isang malaking pamayanan at naging kilala bilang, Nueva Cáceres. Mayroon itong pamahalaang panlunsod ayon sa mga sinasabi ng batas ng Kastila, at may sariling ayuntamiento at cabildo. Sa simula ika-17 dantaon, mayroon lamang lima pang ibang ciudades sa Pilipinas. Ang Nueva Cáceres ay nanatiling kabisera ng lalawigan ng Ambos Camarines at naging kabisera naman ng Camarines Sur, hanggang sa pormal na buuin itong isang malayang lungsod sa ilalim ng Republika ng Pilipinas.

Panahong pananakop ng Hapon

Namugad ang mga hapon sa Ateneo De Naga at ginawa nila itong isang garison.

Nang paparating na ang mga Amerikano noong 1945, maraming bomba ang kanilang inihulog sa Lungsod ng Naga. ito Ang dahilan ng pagkasunog ng palengke. Maraming sibilyan ang nasugatan sa pambobombang ito.

Mga barangay

Nahahati sa 27 barangay ang Naga.

  • Abella
  • Bagumbayan Norte
  • Bagumbayan Sur
  • Balatas
  • Calauag
  • Cararayan
  • Carolina
  • Concepcion Grande
  • Concepcion Pequeña
  • Dayangdang
  • Del Rosario
  • Dinaga
  • Igualdad Interior
  • Lerma
  • Liboton
  • Mabolo
  • Pacol
  • Panicuason
  • Peñafrancia
  • Sabang
  • San Felipe
  • San Francisco (City Center)
  • San Isidro
  • Santa Cruz
  • Tabuco
  • Tinago
  • Triangulo

Pagkilala

Wikipedia.png Hinango sa Wikipedia ang nilalaman ng pahinang ito na nagmula sa Naga, Camarines Sur. Ang talaan ng mga may-akda ay makikita sa pahina-kasaysayan. Kahalintulad ng Wikipedia, binibigyang-pahintulot ng WikiFilipino ang muling paggamit at pakikinabang sa mga nilalaman nito sa ilalim ng GNU Free Documentation License. Basahin ang kumpletong pagtatanggi/pagtatatwa.