Unang Pahina
|
Tampok na Artikulo
Isa nang matatag na lipunan ang Maynila bago pa man dumating ang mga Espanyol. Ang pangalang Maynila ay pinaniniwalaang nagmula sa dalawang termino: (1) may nilad na nangangahulugang “lugar na may bakawan” o “mga puno na may puting bulaklak” at (2) may nila na tumutukoy sa “kulay na nagmumula sa parehong halaman.”
Protagonista
Si Simoun ay ang mayaman, liberal, tuso, at mapanghimagsik na pangunahing tauhan ng El Filibusterismo. Siya ang nagbalátkayông si Crisostomo Ibarra na nagbalik upang maghiganti at itakas sa kumbento si Maria Clara. Nagbalik siya bilang isang alahero na bitbit ang napakaraming kayamanan, tulad ng mga antigong brilyante, kuwintas, hikaw, at perlas, na ipinagbibili niya sa mayayaman at may matataas na katungkulan sa pamahalaan.
Taas-Noo Pilipino
Si Bienvenido Lumbera (11 Abril 1932–28 Setyembre 2021) ay isang Pilipinong manunulat ng tula at Pambansang Alagad ng Sining para sa Panitikan. Siya ay nakatanggap ng Ramon Magsaysay Award para sa Pamamahayag, Panitikan, at Malikhaing Sining ng Komunikasyon. Siya rin ay dinadakilang alagad ng panitika na nagwagi sa iba’t ibang patimpalak sa pagsulat tulad ng National Book Awards ng National Book Foundation at Carlos Palanca Memorial Awards. Pumanaw si Lumbera noong 28 Setyembre 2021 sa kaniyang tahanan sa Lungsod Quezon dahil sa komplikasyon ng stroke, na nagsimula noong Hunyo 2021.
Tatak Pinoy!
Sa Kanlurang Visayas, ang “Dandansoy” ay itinuturing na pinakapopular na awiting-bayan na nag-ugat sa Isla ng Panay. Kabilang ang awiting-bayan sa pasalitang tradisyon ng panitikan na nagpasalin-salin sa bawat henerasyon. Dahil dito, karaniwan nang hindi kilala o hindi matutukoy kung sino ang orihinal na lumikha o kung kailan ito nalikha. Tulad ng karamihang awiting-bayan, ang “Dandansoy” ay may tema ng pag-ibig. Tungkol ito sa pamamaalam ng isang dalaga kay Dandansoy. Ang popularidad ng “Dandansoy” ay maaaring dulot ng pagkakalathala nito sa lokal at internasyonal na daluyan. Dalawang beteranong aktres at mang-aawit ang may sariling bersiyon ng awiting ito: si Nora Aunor sa album niyang Mga Awiting Pilipino (1972) at si Pilita Corrales sa album niyang Mga Awit ng Pag-ibig (1991).
Tampok na Video
Ang MassKara Festival ay ipinagdiriwang sa Lungsod Bacolod, Negros Occidental tuwing Oktubre. Kilala ito bilang isa sa mga pinakamakukulay na pagdiriwang sa buong Pilipinas. Parada ng mga taong nakasuot ng makukulay na kasuotan at ng nakangiting maskara ang pangunahing atraksiyon tuwing ipinagdiriwang ito. Nagmula ang terminong MassKara sa mga salitang mass (malaking bilang) at kara (mukha). Samakatwid, ang MassKara ay nangangahulugang “maraming nakangiting mukha.” Ito rin ang dahilan kung bakit binansagan ang Lungsod Bacolod bilang “City of Smiles.” Gayunman, masalimuot ang kuwento ng pagsisimula ng piyesta dahil sa dalawang krisis na kinaharap ng lungsod noong 1980.
Pamahalaan at Mamamayan
Ang Partido Demokratiko Pilipino-Lakas ng Bayan, mas kilala bilang PDP-Laban, ay isang makapangyarihang partidong politikal sa Pilipinas na nabuo sa pamamagitan ng pagsasanib puwersa ng dalawang partido. Ito ay naitatag noong 6 Pebrero 1982 ng noo’y alkalde ng Lungsod Cebu na si Aquilino “Nene” Q. Pimentel Jr. at ng grupo ng mga nagpoprotesta laban sa administrasyon ni dating Pangulong Ferdinand E. Marcos at sa naghaharing partido nito na Kilusang Bagong Lipunan (KBL). Noong 1983, nakipagsanib ang PDP sa Lakas ng Bayan ni Benigno Aquino Jr.
Alam mo ba...
Noong 18 Setyembre 1891 ay nailathala sa Europa ang ikalawang nobela ni Jose Rizal—ang El Filibusterismo. Mula sa Europa ay nakarating ito sa Pilipinas na may hatid na balakid at hamon sa paghahari ng Espanya; may hatid na pag-asa sa mga Pilipinong naghihintay ng katarungan at kalayaan; at may hatid na pangamba at takot para sa pamilya ng may-akda. Tumutukoy ang filibusterismo sa mga gawain ng isang filibustero, taong may layuning manghimok ng pag-aalsa. Dahil hayagang ipinakita ni Rizal ang masasamang gawain ng mga prayle sa nobela, dinakip siya noong 1892 (pagkabalik niya sa Pilipinas) at ipinatapon sa Dapitan.
Talas Salita
Ang “wang-wang” ay nangangahulugang paggamit ng anumang maingay na instrumento tulad ng sirena, batingaw, pito, o anumang katulad na bagay na gumagawa ng malakas na ingay upang agad na padaanin sa mga kalsada na karaniwang ginagamit ng mga politiko at sasakyan ng pamahalaan.
Sa paunang talumpati ni dating Pangulong Benigno S. Aquino III noong 30 Hunyo 2010, sinabi niya na nauunawaan niya ang mga Pilipinong nagtitiis sa trapiko ngunit nasisingitan ng mga sasakyang de-wang-wang. Bilang bahagi ng kaniyang adbokasiyang “kayo ang boss ko,” ipinag-utos niya na walang gagamit ng wang-wang, kahit ang kaniyang mga sasakyan, at lahat ay susunod sa batas trapiko.
Mga Epesyal na Pórtal
|
Aklas Himagsikan, Pag-aalsa, at Labanan
|
|
Pista Piyesta Opisyal ng Pilipinas
|
|
Moda Estilo ng pananamit, Pagpapaganda, at Pagkilos
|
|
Edukasyon Edukasyon sa Pilipinas
|
|
Panitikang Pilipino Panitikan ng Pilipinas
|
|
Komiks Mundo ng Komiks
|
|
Musika Original Pilipino Music
|
|
Travel Guide Tara na’t tuklasin ang ganda ng ating bansa!
|
|
Mga Pambansang Pagkilala Marapat na kilalanin at parangalan ang mga natatanging Pilipino
|
|
Kusina Tikman ang mga pagkain at lutuing Pilipino
|
|
Pelikula Panoorin ang mga natatanging pelikulang Pilipino
|
|
Kababaihang Pilipino Mabuhay ang mga Eba!
|
|
Chikiting Balik-balikan ang mga kuwentong naging bahagi ng iyong pagkabata.
|
|
Laro Matagal nang kilala ang mga Pilipino sa pagiging matalino at mapamaraan.
|
|
Rizaliana Gaano mo kakilala si Jose Rizal?l
|
|
Nostalhiya Halina’t maglakbay pabalik sa nakaraan
|
|
Etniko Etnolinggwistikong grupo sa Pilipinas.
|
|
Libro Bakit hindi mo subukang basahin ito?
|
|
Teleserye Mga teleseryeng Pilipino!
|
|
Flora at Fauna Flora at Fauna ng Pilipinas
|