Unang Pahina

From Wikfilipino
(Redirected from Main Page)
Jump to navigation Jump to search
WIKIFILIPINO.png
Tuloy kayo sa WikiFilipino
5,597 artikulo sa Filipino at dumarami....
Quincentenario Banner.svg

Sumali sa Komunidad ng Wiki

Gabay sa pagsusulat sa Wiki

Tampok na Artikulo

edit



Ang Quiapo, na noon ay isang mahirap na baryo, ay isa ngayong maunlad at popular na distrito ng Maynila. Dito matatagpuan ang Basilika Minor ng Itim na Nazareno, mas kilala sa tawag na Simbahan ng Quiapo. Ang Quiapo ay nagmula sa pangalang “kiyapo,” isang halamang saganang tumutubo noon sa Ilog Pasig na nahahawig sa water lily. Pangingisda ang pangunahing kabuhayan dito bago dumating ang mga Espanyol.


Protagonista

edit

Ang Adarna ay isang maalamat at napakagandang ibon na pinaniniwalaan ng mga Tagalog na may kakayahang magpagaling ng anumang uri ng karamdaman. May mahalagang papel na ginampanan ang Adarna sa korido na pinamagatang Corrido at Buhay Nang Tatlong Principeng, Magcacapatid na Anac nang haring Fernando at nang Reina Valeriana sa Caharian ng Berbania, mas kilala bilang Ibong Adarna.

Taas-Noo Pilipino

edit


Si Julian Felipe, isinilang noong 28 Enero 1861, ay ang bantog na kompositor ng musika ng Lupang Hinirang. Noong 1896, lumahok sa Himagsikan si Felipe at nabilanggo sa Fort Santiago kasama ang tinatawag na “Trece Martires” ng Cavite. Napatunayang inosente si Felipe at pinalaya noong 2 Hunyo 1897, habang binitay ang kaniyang mga kasama. Bilang isang kompositor, kilala si Felipe sa kaniyang musika tulad ng Aurorita, Danza (Early Dawn Danza), Cintas y Flores (Ribbons and Flowers), at Motete al Santisimo (Motet to the Most Holy).


Tatak Pinoy!

edit

Ang Simbahang Katoliko ay itinuturing na pinakamalaking Kristiyanong simbahan sa buong mundo. Bilang isang Kristiyanong bansa, ang mga simbahan sa Pilipinas ay itinuturing na banal na estruktura. Ang mga ito ay iniingatan at patuloy na pinagaganda. Patunay rito ang ilan sa mga Simbahang Katoliko na bagama’t lumipas na ang ilang dantaon ay nananatili pa rin at kinikilala bilang yaman ng bansa tulad ng Simbahan ng San Agustin sa Maynila; ang Simbahan ng Paoay sa Ilocos Norte; ang Simbahan ng Miag-ao sa Iloilo; at ang Simbahan ng Santa Maria sa Ilocos Sur. Ang mga simbahang ito ay kabilang sa Talaan ng Pamanang Pandaigdig ng UNESCO.



Tampok na Video

edit


Tuwing Enero 9, ipinagdiriwang ng mga Katoliko ang Pista ng Itim na Nazareno sa Quiapo, Maynila. Hindi mahulugang karayom ang karaniwang tanawin sa Maynila tuwing Pista ng Itim na Nazareno dahil sa libo-libong debotong sumasama sa traslacion o ang taunang prusisyon sa Maynila kung saan ipinakikita ang paglipat ng Itim na Nazareno mula sa orihinal na dambana nito sa Intramuros patungo sa Simbahan ng Quiapo. Gayunman, dalawang taon (2021 at 2022) nang ipinagpapaliban ang nakaugaliang traslacion dahil sa banta ng COVID-19.

Pamahalaan at Mamamayan

edit

Ang Araw ng Republikang Filipino, 1899 ay taunang paggunita sa pagpapasinaya ng Unang Republika ng Pilipinas, kilala ring Republikang Malolos, noong 23 Enero 1899. Ito ang kauna-unahang republika na naitatag sa buong Asya. Ang paggunita sa makasaysayang pangyayaring ito ay nagsimula noong 2013 nang lagdaan ni dating Pangulong Benigno S. Aquino III ang Proklamasyon Bilang 533 noong 9 Enero sa taon ding iyon. Sa bisa ng proklamasyong ito, ginunita noon ang ika-114 Anibersaryo ng Unang Republika ng Pilipinas. Para sa 2022, nakatakdang gunitain ang ika-123 anibersaryo nito.

Alam mo ba...

edit

Ang Doctrina Christiana, en lengua española y tagala ay ang kauna-unahang aklat na nailimbag sa Pilipinas. Ang Doctrina Christiana, nangangahulugang “ang pagtuturo ng Kristiyanismo,” ay naimprenta sa palimbagan ng mga Dominikano sa Maynila noong 1593. Naglalaman ito ng mga dasal tulad ng “Ang Ama Namin,” “Ang Aba Ginoong Maria,” “Ang Sumampalataya,” at “Ang Aba Po”; ang mga aral na “Ang Sampung Utos,” “Ang Utos ng Santa Iglesya,” “Ang Pitong Sakramento,” at “Ang Pitong Punong Kasalanan at Kaukulang Pakikinabang”; at ang “Tanungan” para sa pangungumpisal.


Talas Salita

edit

Traslacion

Ang traslacion ay salitang Spanish na nangangahulugang “paglipat ng isang bagay mula sa isang pook tungo sa ibang pook.” Ito ay mas kilalang terminolohiya na iniuugnay sa Pista ng Itim na Nazareno kung saan imahen ng poon ay ipinuprusisyon mula sa Quirino Grandstand sa Luneta papunta sa Simbahan ng Quiapo sa Maynila. Ginagamit din itong terminolohiya sa pagprusisyon sa imahen ni Nuestra Señora de Peñafrancia ng Naga Cathedral.


'

Mga Epesyal na Pórtal

edit

Battlle and revolts.svg Aklas
Himagsikan, Pag-aalsa, at Labanan
Fiesta Philippine Feasts.svg Pista
Piyesta Opisyal ng Pilipinas
Moda Philippine Fashion and Style.svg Moda
Estilo ng pananamit, Pagpapaganda, at Pagkilos
Ph education.svg Edukasyon
Edukasyon sa Pilipinas
Philippine myths and legends.svg Panitikang Pilipino
Panitikan ng Pilipinas
Komiks The Philippine Komikopedia.svg Komiks
Mundo ng Komiks
Musika Original Pilipino Music.svg Musika
Original Pilipino Music
Ph online-travel-guide.svg Travel Guide
Tara na’t tuklasin ang ganda ng ating bansa!
Barangay-06.svg Mga Pambansang Pagkilala
Marapat na kilalanin at parangalan ang mga natatanging Pilipino
Kusina Unique Filipino Food.svg Kusina
Tikman ang mga pagkain at lutuing Pilipino
Ph Cinemapedia.svg Pelikula
Panoorin ang mga natatanging pelikulang Pilipino
Encyclopedia-Filipina.svg Kababaihang Pilipino
Mabuhay ang mga Eba!
Philippine Childrens litreture.svg Chikiting
Balik-balikan ang mga kuwentong naging bahagi ng iyong pagkabata.
Laro Traditional Philippine Games.svg Laro
Matagal nang kilala ang mga Pilipino sa pagiging matalino at mapamaraan.
Ph joserizal-encyclo.svg Rizaliana
Gaano mo kakilala si Jose Rizal?l
Ph-memorabilia.svg Nostalhiya
Halina’t maglakbay pabalik sa nakaraan
Etniko Philippine Ethnic Groups.svg Etniko
Etnolinggwistikong grupo sa Pilipinas.
Libro Filipiniana Books Collection.svg Libro
Bakit hindi mo subukang basahin ito?
Ph TV series.svg Teleserye
Mga teleseryeng Pilipino!
Ph flora-fauna.svg Flora at Fauna
Flora at Fauna ng Pilipinas