Amerisyo

From Wikfilipino
Jump to navigation Jump to search

Ang americium o amerisyo (may sagisag na Am, atomikong bilang na 95, espesipikong grabidad na 11.7, at balensiyang 3, 4, 5, at 6). Isa itong elementong metaliko, maputi, at trans-uraniko, na kabilang sa serye ng aktinido. Nagtataglay ito ng mga isotopong may bilang ng masa mula 237 hanggang 246. Mayroon itong mga hating-buhay mula 25 mga minuto hanggang 7,950 taon. Sa pananaliksik, pinagmumulan ito ng mga sinag-alpa, partikular na ang mga isotopong Am 241 at Am 243. Natuklasan ito nina Glenn Theodore Seaborg, Leon O. Morgan, Ralph A. James, Stanley G. Thompson, at Albert Ghiorso noong 1945.