Aklat ng Bayan

From Wikfilipino
Jump to navigation Jump to search

Bilang pangunahing tagasulong ng mga wika sa bansa, partikular ang pambansang wika, inilunsad ng Komisyon sa Wikang Filipino (KWF) ang Aklat ng Bayan. Ang Aklat ng Bayan ay may layuning makalikha ng “Aklatan ng Karunungan” na magtatampok sa kakayahan ng wikang Filipino bilang wika ng paglikha at saliksik. Kabilang sa mga koleksiyong aklat ng Aklat ng Bayan ang iba’t ibang aklat na may katangi-tanging pag-aaral sa wika, panitikan, at kultura ng Pilipinas.

Nagtatampok din ng mga akdang rehiyonal na nakasulat sa iba’t ibang katutubong wika na nakasalin sa wikang Filipino. May mga natatanging akdang banyaga rin ang nakasalin sa wikang Filipino at mga katutubong wika sa bansa.

Samantala, hinihikayat din ng KWF ang mga mananaliksik, manunulat, guro, at mga eksperto sa wika na magpasa ng kanilang mga panukalang akda kaugnay sa iba’t ibang disiplina sa pagsulat at saliksik. Nakatakda ring maglathala ng mga diksiyonaryo at antolohiyang pampanitikan na nakasulat sa mga katutubong wika.

Aklat Para sa Lahat

Ang isang bata ay higit na mabilis matuto kung ang unang wika ang kaniyang gagamitin. Sa pamamagitan ng Aklat ng Bayan, makapaglilimbag din ng mga babasahing edukasyonal gamit ang mga katutubong wika. Pagtugon din ito sa Mother Tongue Based-Multilingual Education (MTB-MLE) ng Department of Education (DepEd).

Ang mga aklat sa ilalim ng Aklat ng Bayan ay makararating din sa mga paaralan sa mga lalawigan, higit sa mga liblib na lugar. Ang mga aklat na ito ay maipagbibili sa abot-kayang halaga o sa pinakamurang halaga. Masikap din ang pagbibigay ng kopyang komplimentaryo sa mga aklatang pampubliko sa mga lalawigang mababa ang kalagayang ekonomiko.

Mga Sanggunian

Pagkilala

WikiFilipino logo 150.png Orihinal na nilalaman mula sa WikiFilipino sa bisa ng GNU Free Documentation License. Tingnan ang pagtanggi.