Portal: Wiki Dilawan

From Wikfilipino
Revision as of 05:23, 7 March 2022 by Vvargas (talk | contribs) (Created page with "{{WikiDilwanNavbar}} <div style="float:right; width:49%;"> {{BoxdivQuincentenario |title='''Tampok na Lathalain''' |editpage=Template:TampoknaLathalain/WikiDilawan |footertext...")
(diff) ← Older revision | Latest revision (diff) | Newer revision → (diff)
Jump to navigation Jump to search
Wiki Dilawan

Tampok na Lathalain

edit

Si Benigno Simeon Cojuangco Aquino III (Pebrero 8, 1960 – Hunyo 24, 2021) o mas kilala bilang Noynoy at PNoy, ay isang Pilipinong politiko na nagsilbi bilang ika- 15 Pangulo ng Pilipinas. Nanungkulan siya mula 2010 hanggang 2016. Naging bahagi rin siya ng Kongreso at Senado.

Kabilang si Noynoy Aquino sa Pamilya Aquino, kilala bilang mga politiko at pamilyang sumisimbolo ng demokrasya sa Pilipinas. Nang yumao ang kaniyang ina na si dating Pangulong Corazon Aquino, inanunsiyo nan noon ay senador na si Noynoy ang kaniyang kandidatura sa pagkapangulo at nanalo kalaunan, kapalit ni Gloria Macapagal-Arroyo.

Noong 30 Hunyo 2010, pormal na nanumpa si Aquino bilang bangulo ng bansa. Tinawag din siyang PNoy ng mga taga-media at ng kaniyang mga tagasuporta. Isa sa mga unang ipinatupad ni Aquino ay ang pagbuo ng truth commission na nanguna sa imbestigasyon sa mga naganap na korupsiyon sa administrasyon ni Arroyo. Inilunsad ni Aquino ang kaniyang unang State of the Nation Address (SONA) noong 26 Hulyo 2010 sa Batasang Pambansa, Lungsod Quezon.

Sa kaniyang pag-upo bilang pangulo, nakitaan ng pag- angat ang ekonomiya ng bansa at tinagurian ang Pilipinas bilang “Rising Tiger.” Nanindigan din si Aquino at ang kaniyang administrasyon laban sa China dahil sa pinag-aagawang West Philippine Sea at napanalunan ang desisyon sa inihaing arbitration case.

Napasama rin si Aquino bilang isa sa 100 Most Influentia People in the World ng Time Magazine. Noong 24 Hunyo 2021, binawian ng buhay si Aquino matapos ang renal failure dahil sa komplikasyon sa diabetes.

Para sa karagdagang impormasyon: Benigno Simeon Aquino III

Tampok na Video

edit


The Life and Legacy of Benigno Simeon Aquino III | ANC Special


Introduksiyon

edit

Ang dilawan ay terminong may kinalaman sa politika at ginagamit na pantukoy sa mga taga-suporta ng Partido Liberal ng Pilipinas. Ang dilaw ang naging opisyal na kulay ng partido at naging makasaysayang kulay nang maganap ang Aklasang Bayan sa EDSA noong 1986. Ito rin ang naging opisyal na kulay ng kampanya at pamumuno nina dating Pangulong Corazon Aquino at Benigno “Noynoy” Aquino III.

Ayon sa Urban Dictionary, ang salitang dilawan ay nangangahulugang politikal na kulay na sumisimbolo sa pamilya Aquino at ng Partido Liberal. Patungkol rin ito sa mga tagasuporta ng pamilya Aquino at ng partido.

Masasabing lubusang lumaganap ang terminong “dilawan” matapos ang Halalan 2016. Sa social media, nagkaroon ng tila hatian ng partido ang mga tagasuporta nina Pangalawang Pangulong Leni Robredo, na tinatawag na “dilawan,” at Pangulong Rodrigo Duterte, na tinatawag na “DDS” o “Duterte Diehard Supporters.”Madalas na magkaroon ng bangayan sa desisyon at opinyon sina Robredo at Duterte na nagiging sanhi rin ng palitan ng insulto at opinyon ng mga tagasuporta nila online.

Maging si Pangulong Duterte ay patuloy na ginagamit ang salitang “dilawan” upang tukuyin ang oposisyon at miyembro ng dati rin niyang partido, ang Partido Liberal. Sa isang ulat sa bayan para sa sitwasyon ng bansa sa panahon ng COVID-19 noong Setyembre 2020, sinabi ni Duterte na huwag maniwala sa mga dilawan na patuloy umano ang pagbatikos sa kanila.

Para sa karagdagang impormasyon: Dilawan

Historical Events.jpg
Kasaysayan at Pangyayari
Mag-click dito upang tingnan ang Listahan ng Paksa