Difference between revisions of "Pilosopo Tasyo"

From Wikfilipino
Jump to navigation Jump to search
m
Line 1: Line 1:
Si '''Pilosopo Tasyo''', kilala rin bilang '''Don Anastasyo''', ay isa sa mga tauhan ni ''[[Noli Me Tangere]]'' ni Jose Rizal na itinuturing mismo ng may-akda na patunay na may mga natitira pang mabubuting tao sa bayan.
+
Si '''Pilosopo Tasyo''', kilala rin bilang '''Don Anastasyo''', ay isa sa mga tauhan ng ''[[Noli Me Tangere]]'' ni Jose Rizal na itinuturing mismo ng may-akda na patunay na may mga natitira pang mabubuting tao sa bayan.
  
 
== Ang Madunong ==
 
== Ang Madunong ==

Revision as of 01:15, 27 July 2021

Si Pilosopo Tasyo, kilala rin bilang Don Anastasyo, ay isa sa mga tauhan ng Noli Me Tangere ni Jose Rizal na itinuturing mismo ng may-akda na patunay na may mga natitira pang mabubuting tao sa bayan.

Ang Madunong

Si Pilosopo Tasyo ay itinuturing na tagapayo ng marurunong sa Bayan ng San Diego. Maging ang ama ni Crisostomo ay laging sumasangguni noon sa matanda upang humingi ng payo. Sa pagbabasa siya humuhugot ng malalalim na kaisipan na hinahangaan ng ilan.

Siya ay nakapag-aral ng Pilosopiya ngunit pinahinto sa pag-aaral ng kaniyang ina na natatakot na baka sa labis na katalinuhan ng anak ay makalimot ito sa Diyos. Pagpapari kasi ang nais ng ina para kay Tasyo, ngunit sinuway ito ng anak at piniling mag-asawa. Sa kasamaang-palad, namatay ang kaniyang asawa dahilan upang iukol na lamang ni Tasyo ang mga nalalabing panahon ng kaniyang buhay sa pagbabasa at pagsusulat.

Sa kabila ng karunungan ay may ilang nagpapalagay na si Tasyo ay isang baliw. May nagsasabing hindi ito tunay na matalino sapagkat siyang nakapagmana ng kayamanan at nakapag-aral ay nanatiling mahirap.

Wakas ng Buhay

Sa wakas ng nobela, inilarawan ang kawalan ng lakas ng matanda upang sumaklolo sa kaniyang mga kababayan. Ang tangi na lamang niyang nagawa ay tanawin ito mula sa mataas na lugar. Kinaumagahan ay natagpuan na lamang siyang patay. Sinunog ang kaniyang mga aklat sa pag-aakalang higit itong mainam na gawin.

Mga Talinghaga ng Pilosopo

Narito ang ilan sa matatalinghagang pahayag ni Tasyo na mababasa sa nobela:

  • “Dapat tumanggap ang sinuman ng gantimpala o parusa dahil sa kaniyang ginawa ngunit hindi dahil sa mga ginawa ng iba.” (Tasyo sa mag-asawang Don Filipino at Donya Teodora)
  • “Walang nagmamahal sa kahubdan ng hubad na katotohanan.” (Tasyo kay Crisostomo)
  • “Kapag sinikatan ng liwanag ng araw ang anak ng mga anino, darating ang nakahihindik na kilos ng paghihiganti...” (Tasyo kay Crisostomo)
  • “Naunawaan na ng tao na isang malawak na daigdig ang namana niya at maaari niyang pangibabawan.” (Tasyo kay Don Filipino)
  • “Hindi nangangailangan ng gamot ang mamamatay. Kayong maiiwan ang mangangailangan.” (Tasyo kay Don Filipino)

Sanggunian

Jose Rizal, Noli Me Tangere, salin sa Filipino ni Virgilio S. Almario. (Makati City: Don Bosco Press, Inc., 2010).

Pagkilala

WikiFilipino logo 150.png Orihinal na nilalaman mula sa WikiFilipino sa bisa ng GNU Free Documentation License. Tingnan ang pagtanggi.