Gonzalo Ronquillo de Peñalosa

From Wikfilipino
Revision as of 08:29, 23 February 2021 by Mrmagcamit (talk | contribs) (Created page with "Si '''Gonzalo Ronquillo de Peñalosa''' ang ikaapat na gobernador-heneral ng Pilipinas noong panahon ng pananakop ng mga Espanyol. Siya ay naglingkod mula Abril 1580 h...")
(diff) ← Older revision | Latest revision (diff) | Newer revision → (diff)
Jump to navigation Jump to search

Si Gonzalo Ronquillo de Peñalosa ang ikaapat na gobernador-heneral ng Pilipinas noong panahon ng pananakop ng mga Espanyol. Siya ay naglingkod mula Abril 1580 hanggang 10 Marso 1583. Siya ang pumalit kay Francisco de Sande.

Si Peñalosa ay ipinanganak sa Arevalo, Spain. Nagsilbi siyang sheriff sa Real Audencia sa Mexico bago nahirang na gobernador-heneral ng Pilipinas.

Bilang Gobernador-Heneral

Idineklara niya ang Maynila bilang sentro ng politika at ekonomiya noong 1582. Itinatag din niya ang Palacio del Gobernador sa Intramuros.

Bilang tugon niya sa ilang Pransiskano na nais umalis sa Pilipinas para sa kanilang misyon sa Tsina, ipinatupad ni Peñalosa ang isang kautusan na nag-uutos na walang sinoman ang makaaalis sa bansa nang walang permiso sa Hari ng Espanya.

Sa kaniyang mga ulat sa Hari ng Espanya, inirekomenda niya ang pagpapatatag ng depensa ng Maynila sa pamamagitan ng pagpapatayo ng mga pader. Sinabihan siya ng hari na magpatupad ng repartimiento o ang sapilitang paggawa sa mga Indio.

Maraming reklamo ang inihain ng mga kaaway laban kay Peñalosa bago ito namatay sa kaniyang tirahan sa Maynila.

Saglit na humalili sa kaniya bilang gobernador-heneral ang kaniyang pamangkin na si Santiago de Vera.

Pinagbatayan

Carlos L. Quirino, ed. Maria Eloisa G. Pargo de Castro. “Governors-General of the Philippines.” Old Manila 2nd Edition, p. 288. Quezon City: Vibal Foundation, 2020.