Cordillera Administrative Region

Ang Cordillera Administrative Region ay matatagpuan sa bulubunduking gitna/pagitan ng tatlong rehiyon sa hilagang bahagi ng Luzon: ang Rehiyon ng Ilocos, Rehiyon ng Lambak ng Cagayan, at Rehiyon ng Gitnang Luzon. Ang kabundukan ng Kordilyera ang pangunahing lunan ng mga lalawigang nakapalood sa rehiyong ito.

Lalawigan at Lungsod

Binubuo ang rehiyon ng anim na lalawigan at isang lungsod: Abra, Apayao, Benguet, Ifugao, Kalinga, at Mountain Province. Ang Lungsod na ito ay ang Baguio ang kaisa-isa sa buong Kordilyera.

Pamumuno

Narito ang lista ng ihinalal na pinuno at representante sa kongreso ng bawat lalawigan at distrito na magsisilbi sa mamamayan ng Cordillera Administrative Region mula 2013 hanggang 2016 [1].

Lalawigan	Gobernador	Bise Gobernador	Mga Kinatawan sa Kongreso
Abra	Eustaquio Bersamin	Chari Bersamin	Maria Jocelyn Bernos, Nag-iisang Distrito
Apayao	Elias Bulut, Jr.	Hector Reuel Pascua	Eleanor Bulut-Begtang, Nag-iisang Distrito
Benguet	Nestor Fongwan	Nelson Dangwa	Ronald Cosalan, Nag-iisang Distrito; Nicasio Aliping, Jr., Nag-iisang Distrito ng Lungsod ng Baguio
Ifugao	Denis Habawel	Pedro Mayam-o	Teodoro Baguilat, Jr., Nag-iisang Distrito
Kalinga	Jocel Baac	Sonny Mangaoang	Manuel Agyao, Nag-iisang Distrito
Mountain Province	Leonard Mayaen	Boni Lacwasan	Maximo Dalog, Nag-iisang Distrito

Populasyon

Batay sa senso na nakalap ng National Statistics Office hanggang 1 Mayo 2010, umabot sa 1,616,867 ang populasyon ng rehiyon, kumpara sa 1,146,191 bilang noong 1990. Pinakamarami ang bilang ng mamamayan na bumubuo sa lalawigan ng Benguet (hindi pa kasama ang Lunsod ng Baguio). May kabuuang growth rate ang rehiyon na 1.73 batay sa datos na mula taong 1990 hanggang 2010 [2].

Lalawigan	Populasyon: 1990 – 2000 – 2010	Growth Rate: 1990-2000 – 2000-2010 – 1900-2010
Abra	184,743 – 209,491 – 234,733	1.26 – 1.14 – 1.20
Apayao	74,720 – 97,129 – 112,636	2.66 – 1.49 – 2.07
Benguet (hindi pa kasama ang Lungsod ng Baguio)	302,715 – 330,129 – 403,944	0.87 – 2.04 – 1.45
Lungsod ng Baguio	183,142 – 252,386 – 318,676	3.26 – 2.36 – 2.81
Ifugao	147,281 – 161,623 – 191,078	0.93 – 1.69 – 1.31
Kalinga	137,055 – 174,023 – 201,613	2.41 – 1.48 – 1.95
Mountain Province	116,535 – 140,631 – 154,187	1.90 – 0.92 – 1.41

Wika

Ilan sa mga wikang matatagpuang ginagamit sa Kordilyera ay ang mga wikang Kankana-ey, Tagalog, Ibaloi, Kalanguya, Ifugao, Aplai, Itneg, Tinguian, Ingles, at ang Iloko bilang kanilang lingua franca.