Difference between revisions of "Boxer Codex"

From Wikfilipino
Jump to navigation Jump to search
 
Line 25: Line 25:
 
[[Category:Kasaysayan]]
 
[[Category:Kasaysayan]]
 
[[Category:Panitikang Pilipino]]
 
[[Category:Panitikang Pilipino]]
 +
[[Category: Panahon ng mga Espanyol]]

Latest revision as of 11:48, 9 April 2021

Ang Boxer Codex ay isa sa mga sinaunang dokumento na nagsasalaysay sa unang pakikipag-ugnayan ng mga Espanyol sa Silangat at Timog-silangang Asya, partikular ang Pilipinas.

Sinaunang Manuskrito

Ang Boxer Codex ay isang manuskrito noong ika-16 siglo na binubuo ng 307 pahina. Anonimo kung sino o sino-sino ang nagsulat nito na naglalaman ng mga paglalarawan at maikling kasaysayan ng Pilipinas at mga karatig-bansa sa Asya. Bukod sa mga nakalimbag na talâ, naglalaman din ito ng 75 makukulay na larawan ng iba’t ibang pangkat etniko sa mga kolonya ng Espanya. Labinlimang larawan ang nagpapakita ng mga katutubong Pilipino.

Pinaniniwalaan na ang orihinal na pagmamay-ari ng manuskrito ay si Luis Perez Dasmariñas, anak ni Gobernador-Heneral Gomez Perez Dasmariñas. Si Dasmariñas ay napatay noong 1593 ng mga Sangley, tawag ng mga Espanyol sa mga dayuhang Tsino sa Pilipinas na nagpabinyag bilang Katoliko. Pinalitan ni Luis ang kaniyang ama bilang gobernador-heneral ng Pilipinas.

Sa mga panahong iyon, naatasan ang mga gobernador-heneral na bumuo ng talaan ng mga kaganapan sa mga kolonyang bansa ng Espanya.

Larawan ng Mariwasâng Nakalipas

Kabilang ang mga Tagalog, Bisaya, Zambal, Cagayanes o Ibanag, at Negrito sa mga nakalarawan sa Boxer Codex, na kung pagbabatayan ang pamamaraan ng pagpinta ng mga larawan, mahihiwatigan na Tsino ang gumuhit ng mga ito.

Ang mga katutubong nakalarawan sa Boxer Codex ay makikitaan ng mariwasang kalagayan, larawan na bago pa man dumating ang mga mananakop na Espanyol, ang mga sinaunang Pilipino ay maayos nang sistema ng pamumuhay. Halimbawa, ang mga maharlikang Tagalog na nakasuot ng mga gintong alahas.

Orihinal na Kopya

Naging pagmamay-ari ang manuskrito ng banyagang si Lord Ilchester. Kabilang ito sa kaniyang koleksiyon sa Holland House sa London matapos masira ng digmaan ang noong 1942. Sa naganap na auction noong 1947, napasakamay ni Propesor Charles Ralph Boxer ang manuskrito. Kasalukuyang nasa pangangalaga ng Lilly Library sa Indiana University ang Boxer Codex.

Mga Sanggunian

  • Carlos L. Quirino, ed. Maria Eloisa G. Pargo de Castro. Old Manila, 2nd Edition. Quezon City: Vibal Foundation, 2020.
  • Kriscell L. Labor, ed. Virgilio S. Almario. “Boxer Codex.” 2000 Sagisag Kultura ng Filipinas, Edisyong 2013. Filipinas Institute of Translation, Inc. PDF.

Pagkilala

WikiFilipino logo 150.png Orihinal na nilalaman mula sa WikiFilipino sa bisa ng GNU Free Documentation License. Tingnan ang pagtanggi.