Unang Pahina

Mula sa Wikifilipino
Pagbabago mula noong 00:36, 23 Abril 2009 ni Topzbpayawal (Usapan | ambag)

(pagkakaiba) ← Lumang pagbabago | Pangkasalukuyang pagbabago (pagkakaiba) | Bagong pagbabago → (pagkakaiba)
Tumalon sa: paglilibot, paghahanap
mabuhayJun2010.png
Tuloy kayo sa WikiFilipino
9,076 artikulo sa Filipino at dumarami....
flag.gif

Sumali sa Komunidad ng Wiki

Gabay sa pagsusulat sa Wiki

Tampok na Artikulo

edit


Itim na Nazareno.jpg

Tuwing ika-9 ng Enero, ipinagdiriwang ng mga deboto ang Pista ng Itim na Nazareno sa Quiapo, Maynila. Dinudumog ng mga tao ang santong patron ng Quiapo, ang Nuestro Padre Nazareno, na dinala noong siglo 1800 ng Ordeng Recoletos at itinampok sa simbahang nakaharap sa tanyag na Plaza Miranda.

Ang estatwa ng Itim na Nazareno ay isang imahe ni Kristo na kasing-laki ng tao, may maitim ang balat at nililok ng isang Aztec na karpintero at binili ng isang paring taga-Mexico noong panahon ng Galleon Trade. Ang mga deboto ng Itim na Nazareno ay nagsisimba tuwing Biyernes at tuwing Enero 9, ipinagdiriwang ang kapistahan ng santong patron, kung saan itinuturing ito bilang isa sa pinakamalaki at tanyag na kapistahan sa Pilipinas.


Wiki-Balita

edit

Mas estriktong pagpapatupad ng coding scheme, sisimulan sa Oktubre 25

Ayon sa Metropolitan Manila Development Authority (MMDA), mula Okt. 25 ay aalisin na ang “window hours” ng number coding scheme ng mga motorista sa EDSA at C5 Road. Ang window hours ay ang limang oras – mula 10 ng umaga hanggang 3 ng hapon – na maaaring bumiyahe ang mga may coding na sasakyan nang hindi huhulihin ng awtoridad.

Ayon kay MMDA general manager Tim Orbos, ang nasabing panukala ay upang mas mabawasan pa ang perwisyong dulot ng trapik. Dagdag pa niya, maaaring bumaba ng hanggang 20 porsiyento ang dami ng mga sasakyang dumaraan ng EDSA at C5 Road sa tulong ng panukalang ito. Aniya, kung magiging maganda ang resulta ng bagong panukala, maaari itong patuloy na ipatupad kahit tapos na ang holiday season.

Pakiusap naman ni Philippine National Police Highway Patrol Group (PNP-HPG) Chief Supt. Antonio Gardiola sa mga pinuno ng local governments na makipagtulungan ang kanilang traffic management groups at volunteer groups sa Interagency Council on Traffic (I-Act), ang grupong binuo ni Pangulong Duterte upang solusyonan ang mga problema sa trapiko.


'

Taas-Noo Pilipino

edit


Atang.gif

Si Honorata dela Rama ay isang Pambansang Alagad ng Sining sa Musika at Teatro at pinarangalan bilang Reyna ng Kundiman noong 1979. Ipinanganak siya noong 11 Enero 1902 sa Pandacan, Maynila at lumaki kina Pastora Matias, at sa asawa nitong si Leon Ignacio. Ikinasal siya noong 1932 kay Amado V. Hernandez, isang makata.


Tatak Pinoy!

edit

Pasalubong.jpg


Isa sa maituturing ng tatak ng mga Pilipino ay ang pagbibigay ng pasalubong. Ang pasalubong ay karaniwang binibili ng isang tao kapag naglakbay siya sa ibang lugar upang maging alaala ng pagpunta niya roon. Ngunit kadalasan ay hindi lamang gamit para sa sarili ang binibili bilang pasalubong, naging tradisyon na ang pag-uuwi ng pasalubong para sa lahat ng miyembro ng pamilya. Hindi makukumpleto ang pagpunta sa isang lugar para sa isang Pilipino kung wala siyang maiuuwing pasalubong para sa kanyang mga kapamilya at mga kaibigan. Ang iba't ibang lugar naman sa Pilipinas ay may kanya-kanyang ipinagmamalaking mga pasalubong. Kadalasang pagkain ang ibinibigay bilang pasalubong ngunit maaari rin namang mga maipagmamalaking produkto mula sa isang lugar tulad ng mga laruan o di kaya naman ay mga t-shirt na may tatak ng lugar kung saan ito nabili. Hindi na ibibinabalot ang mga pasalubong at ibinibigay na ito sa kung paano ito nabili, hindi tulad ng mga karaniwang regalo.



Tampok na Video

edit


Ang Dinagyang Festival ay isang relihiyoso at kultural na pagdiriwang na ginaganap sa lungsod ng Iloilo tuwing ikatlong linggo ng Enero o pagkatapos ng Sinulog sa Cebu at Ati-Atihan sa Aklan. Ginagawa ito bilang pagdiriwang sa pista ng Santo Niño at para na rin sa pagdating ng mga Malay sa Panay na nagdala ng ita sa lugar. Simula ng ito ay gawing taunang selebrasyon, marami ang nakapansin sa pagdiriwang at nabigyan ito ng National Commission for the Culture and the Arts ng karangalan bilang Festival of Excellent Folk Choreography.

Ngayong Buwan...

edit


Sinulog1.jpg

Sumisiklab ang Lungsod Cebu, Cebu tuwing Enero dahil sa pagdiriwang ng Sinulog. Gaya ng Ati-atihan, ang Sinulog ay tinatampukan ng sagradong imahen ng Santo Niño, at sa himig ng “Pit Señor! Hala, Bira!” ay yayanigin ng tambol, palakpak, at hiyawan ng mga tao ang buong lungsod. Ang Sinulog ay binubuo ng halos isang buwan na paggunita sa mahal na patron ng mga Sebwano, at kabilang dito ang Sinulog Bazaar, ang timpalak Sinulog, ang sining at pangkulturang pagtatanghal, prusisyon, ang parada doon sa Ilog Mactan, ang Reyna ng Sinulog, at ang makukulay na kuwitis na pinasasabog sa himpapawid.


Alam mo ba...

edit


Na ang pinakaunang naitalang matagumpay na pag-akyat sa Mount Apo ay pinangunahan ni Don Joaquin Rajal, isang Spanish general. Bago umakyat ng bundok, humingi siya ng permiso sa pinuno ng mga Bagobo na si Datu Manig. Nakiusap umano ang Datu sa kaniya na mag-alay upang kaluguran ni Mandarangan, ang Diyos ng Digmaan. Ngunit, pumayag naman si Datu Manig na huwag na lamang mag-alay. Umakyat ng bundok sina Rajal at mga kasama noong ika-6 ng Oktubre 1880 at natapos makalipas ang limang araw. Magmula noo'y sunud-sunod na ang ekspedisyon sa Mt. Apo. Mababasa sa “The Ascent o Mount Apo” ni Fr. Miguel A. Bernad, SJ ang historical account ng mga naunang eksplorasyon ng Mt. Apo. Isa ang Mt. Apo, na pinakamataas na bundok sa Pilipinas, sa pinakasikat na climbing destinations sa bansa.


'

Mga Kasabihan at Salawikain

edit

Anonimos


"Anuman ang tibay ng piling abaka,
ay wala ring lakas kapag nag-iisa"


'