Pangangatwiran

Mula sa Wikifilipino
Tumalon sa: paglilibot, paghahanap

Ang pangangatwiran o pangatwiranan (Ingles: justification, may kaugnayan sa justify) ay ang pagbibigay ng dahilan, kadahilanan o katwiran sa isang bagay o nagawang kilos o galaw.[1]. Katumbas ito ng mga salitang mangailangan, absuweltuhin, alisan ng sisi, pagpapakitang angkop o karapatdapat, rason, resa-resa, pagmamatuwid, batayan, puno't-dulo, sandigan, pamatagan (Ingles: basis o basehan).[1]

Sa pananampalataya, katulad ng sa Hudaismo, Kristiyanismo, at Katolisismo, ito ang pagliligtas mula sa kasalanang nagawa sa Diyos.[1] Ito ang paggawang tama o matuwid ang isang tao sa harapan ng Diyos. Ito ang pagsasabing hindi magiging laban sa isang tao ang kanyang naging mga kasalanan. Naging makatwiran o matuwid ang mga tagasunod ni Hesus sapagkat namatay at muling nabuhay si Hesus para sa kanila.[2]

Sa iba pang kahulugan ng Ingles na justification, kaugnay ng pagsusulat o paglilimbag, ang hustipikasyon (hindi na gamit o angkop ang mga salitang pangangatwiran o pangatwiranan) ay ang pag-aayos (o paghahanay) ang mga nakasulat na mga salita sa isang hanay upang maging maayos at magandang tingnan ang haba ng mga puwang sa pagitan ng mga ito. Halimbawa ng huling ibig sabihan ang tinatawag sa Ingles na pag-right-justify o ang pagpapantay-pantay ng hanay ng mga dulo ng mga salitang naisulat o naimakinilya sa kanang panig ng papel o kaya ng nasa panooran o iskrin ng kompyuter (computer screen).[1] Ito ang paghahanay o pagpapantay papunta sa kanang bahagi.

[baguhin] Sanggunian

  1. 1.0 1.1 1.2 1.3 Justification, justify. Gaboy, Luciano L. Gabby's Dictionary, Praktikal na Talahuluganang Ingles-Filipino ni Gabby/Gabby's Practical English-Filipino Dictionary, GabbyDictionary.com
  2. Justify, Dictionary/Concordance, pahina B6. | author = The Committee on Bible Translation | The New Testament, God's Word, The Holy Bible, New International Version (NIV) | publisher = International Bible Society, Colorado, USA 1984

[baguhin] Pagkilala

Smallwikipedialogo.png Hinango sa Wikipedia ang nilalaman ng pahinang ito na nagmula sa Pangangatwiran. Ang talaan ng mga may-akda ay makikita sa pahina-kasaysayan. Kahalintulad ng Wikipedia, binibigyang-pahintulot ng WikiFilipino ang muling paggamit at pakikinabang sa mga nilalaman nito sa ilalim ng GNU Free Documentation License. Basahin ang kumpletong pagtatanggi/pagtatatwa.