Leonor Rivera

Mula sa Wikifilipino
Tumalon sa: paglilibot, paghahanap

Si Leonor Rivera ay isa sa mga babaeng sinasabing nagkaroon ng relasyon kay Rizal.

Mga nilalaman

[baguhin] Deskripsyon

Inihahalintulad si Rivera kay Maria Clara (isa sa mga pangunahing tauhan sa nobela ni Rizal na Noli Me Tangere) dahil sa kaniyang pisikal na anyo, pag-uugali, at sa mga karanasan niya bilang karelasyon ni Rizal. Siya raw ay may kaliitan, may malapad na noo, maalon-along buhok, matang mapupungay, mapanimdim na bibig, at nakaaaliw na biloy. Mayroon daw siyang magandang boses at marunong tumugtog ng piyano

[baguhin] Relasyon kay Rizal

Si Rivera ang natatanging babae sa buhay ni Rizal na may pinakamahabang relasyon sa kanya na tumagal sa 11 taon pagmamahalan. Si Rivera ay sinasabing pinsan ni Rizal dahil siya ay anak ng tiyo ni Rizal na si Antonio Rivera.

18 taong gulang noon si Rizal samantalang 12 taong gulang naman si Rivera nang una silang magkita. Nang magtungo si Rizal sa Madrid, hindi naputol ang kanilang relasyon ngunit sinasabing mas umusbong pa ito sa pamamagitan ng liham na may lapat na mga kodigo. Subalit, matapos ang anim na taon ng pagsusulatan ay naputol ang ugnayan ng dalawa dahil tinatago ng ina ni Rivera ang mga liham ni Rizal. Ito ay dala ng pagtutol ng ina ni Rivera sa relasyon ng dalawa dahil itinuring niya si Rizal bilang isang filibustero.

Umuwi si Rizal noong 1887 upang pakasalan si Rivera. Hindi ito natupad dahil sa pagtutol ng mga magulang ni Rivera at kalauna'y naghiwalay din ang dalawang magsing-irog. Noong 1890, ikinasal si Rivera sa Ingles na si Henry Kipping, na sinasabing pinili ng kaniyang ina bilang kaniyang asawa.

Nang umuwi si Rizal buhat sa Europa noong 1887, nais niyang dalawin at pakasalan na si Leonor ngunit dahil isang masunuring anak, hindi niya naisakatuparan ang plano sapagkat hindi pinayagan ng ama. Kalaunan, sa inaakalang pagkalimot ni Rizal ay nakipagkalas siya sa binata noong 1890 at napagpasyahang magpakasal kay Henry Kipping, isang Ingles na pinili ng ina ng dalaga. Sa isang banda, ang pagpapakasal ni Leonor Riveraa kay Henry Kipping ay isang napasakit na balita kay Rizal habang siya ay nasa sa ibang bansa.

[baguhin] Sanggunian

[baguhin] Pagkilala

Wikifilipino.png Orihinal na nilalaman mula sa WikiFilipino sa bisa ng GNU Free Documentation License. Tingnan ang pagtanggi.