Juan Nakpil

Mula sa Wikifilipino
Tumalon sa: paglilibot, paghahanap
Juan Nakpil (Picture from ([1]).

Si Juan Nakpil (1899-1986), unang Pambansang Alagad ng Sining sa Arkitektura, ay ang unang Pilipino na nakasama sa American Institute of Architects.

Ipinanganak siya noong 26 Mayo 1899 sa Quiapo, Maynila at supling nina Julio Nakpil at Gregoria de Jesus.

Mga nilalaman

[baguhin] Edukasyon at Karera

Nagtapos siya sa Manila High School noong 1917 at kumuha ng pagka-inhinyero sa Unibersidad ng Pilipinas. Habang nasa UP, nag-aral siya ng malayang pagguhit, pagpipinta, at decorative arts sa ilalim ni Fabian de la Rosa at Fernando Amorsolo, at sa eskultura, sa ilalim naman ni Maestro Ocampo.

Matapos ang dalawang taon, nagpunta siya sa Estados Unidos at pumasok sa University of Kansas, kung saan natamo niya ang kanyang Batsilyer sa Agham sa civil engineering noong 1922. Nagpunta rin siya sa Pransiya noong 1925 at kumuha ng kursong Arkitektura sa Fountainbleau School of Fine Arts, kung saan natanggap naman niya ang kanyang diploma d'architecture. Nakamit niya ang kanyang M.D. sa Harvard University sa ilalim ng Joseph Evelynth fellowhip.

Sa kanyang pagbabalik sa Maynila noong 1926, naging assistant architect siya ng Bureau of Public Works. Sumapi rin siya sa Andres Luna de San Pedro firm at naging tagadisenyo ng Don Gonzalo Puyat.

[baguhin] Mga Dinisenyong Istruktura

  • Geronimo de los Reyes Building
  • UP administration building and library
  • Quezon Institute
  • gusali ng Social Security System
  • State and Ever Theaters
  • International Eucharistic Congress altar, 1937
  • Magsaysay Building
  • Rizal Theater
  • Capitol Theater
  • Captain Pepe Building
  • Manila Jockey Club
  • Avenue Hotel and Theater
  • Rufino Building
  • Philippine Village Hotel
  • Philippine Trust Building

Isinailalim din niya sa restorasyon ang Quiapo Church at ang bahay ni Rizal sa Calamba, Laguna.

[baguhin] Mga Parangal

  • Architect of the Year, 1939, 1940, 1946
  • Gintong medalya ng pagkilala mula sa Institute of Architects, 1950
  • Most Outstanding Professional in Architecture, 1951 mula sa Philippine Association of Board Examiners
  • Honorary correspondent member ng Societe de Architectes par le Gouvernement Francais, 1952
  • Chevalier de la legion d'Honneur, 1955
  • Presidential Medal of Merit mula kay Presidente Ramon Magsaysay noong 1955
  • correspondent member ng Colegio de Arquitectos de Chile, 1956
  • Patnubay ng Sining at Kalinangan Award, 1968
  • Republic Cultural Heritage Award, 1971
  • Rizal Pro Patria Award, 1972
  • Pambansang Alagad ng Sining, 1973

Binawian siya ng buhay noong 7 Mayo 1986 sa gulang na 87 at inilibing sa Libingan ng mga Bayani.

[baguhin] Sanggunian

  • CCP Encyclopedia of Philippine Art. Vol III. Philippine Architecture. Manila: Cultural Center of the Philippines, 1994.
  • Filipinos in History. Vol III. Philippine Theater. Manila: National Historical Institute, 1996.
  • Juan F. Nakpil. (Hinango noong 27 Mayo 2008).

[baguhin] Pagkilala

WikiFilipino footer.png Orihinal na nilalaman mula sa WikiFilipino sa bisa ng GNU Free Documentation License. Tingnan ang pagtanggi.