Jose Joya

Mula sa Wikifilipino
Tumalon sa: paglilibot, paghahanap
Jose Joya (Picture from ([1]).

Si Jose Tanig Joya (1931-1995) ay isa sa mga Pilipinong pintor na naunang gumawa ng abstrak na mga dibuho. Noong 2003, isa siya sa ginawaran ng titulong Pambansang Alagad ng Sining.

Mga nilalaman

[baguhin] Edukasyon at Karera

Nagtapos si Joya sa Unibersidad ng Pilipinas noong 1953, na may kursong fine arts, at natamo ang pagkilala bilang kauna-unahang magna cum laude ng unibersidad. Noong 1954 hanggang 1955, ang Instituto de Cultura Hispanica ng pamahalaan ng Espanya ay ginawaran siya ng isang painting grant sa Madrid. Matapos ang isang taon, natapos niya ang kanyang pag-aaral sa pagkadalubhasa sa pagpipinta sa ilalim ng Fulbright-Smith-Mundt grant. Nakatanggap din siya ng grant mula sa John D. Rockefeller III Fund at Ford Foundation, upang magpinta sa New York mula 1967 hanggang 1969.

Gumamit si Joya ng mixed media at multimedia at gumawa rin ng mga print. Naging dekano siya ng Kolehiyo ng Fine Arts ng U.P. Inumpisahan niya ang abstrak na expressionism sa Pilipinas sa kanyang mga gawa sa pamamagitan ng action painting at gestural painting. Gumagamit siya ng impasto, malawak na brushstroke at rice paper collage sa kanyang mga gawa.

[baguhin] Ilang mga Gawa

Naimpluwensyahan siya sa pagpili ng kanyang mga kulay ng mga kulay ng tropikal na Pilipinas.

  • Nanking (collage na may kaligrapiyang Asyano at mga disenyo na mukhang palayan)
  • Granadean Arabesque (ang kanyang malaking katuri-turing na gawa noong 1958)
  • Space Transfiguration, Hills of Nikko, Dimension of Fear, Torogan,
  • Cityscape

Siya ang naging kinatawan ng Pilipinas sa Venice Biennial ng 1964, kung saan naging malinaw na ang modernong sining sa Pilipinas ay naging kilala na sa mundo.

Malakas na impluwensya si Joya sa kanyang mga kababata sa paggamit ng multimedia sa kanilang gawa. Mayroon din siyang gawang ceramics, prints at graphic arts. Hanggang ngayon, kilala ang kanyang mga gawa, lalo na ang kanyang mixed-media na abstrak, sa kanilang kakaibang estilo at mataas na kalidad.

[baguhin] Mga Gantimpala at Parangal

  • unang gantimpala, Gossips, sa Shell National Students Art Competition, 1952
  • Isa siya sa mga Ten Outstanding Young Men sa pagpipinta, 1961
  • Republic Cultural Heritage Award, 1961
  • ASEAN Cultural Award, 1970
  • Patnubay ng Sining at kalinangan Award mula sa Lungsod ng Maynila, 1971
  • Gawad CCP Para sa Sining, 1991
  • Isa sa mga 10 Outstanding ASEAN Artists, 1992


[baguhin] Pagkilala

WikiFilipino footer.png Orihinal na nilalaman mula sa WikiFilipino sa bisa ng GNU Free Documentation License. Tingnan ang pagtanggi.


[baguhin] Sanggunian

  • CCP Encyclopedia of Philippine Art. Vol IV. Philippine Visual Arts. Manila: Cultural Center of the Philippines, 1994.
  • Kayumanggi: Biographies of Philippine Visual Artists. Quezon City: Peso Books, 2000.
  • Culture Profile of Jose Joya.