Atang dela Rama

Mula sa Wikifilipino
(Ikinarga mula sa Honorata "Atang" de la Rama)
Tumalon sa: paglilibot, paghahanap
Atang dela Rama (Picture from ([1]).

right|150px

Si Honorata dela Rama ay isang Pambansang Alagad ng Sining sa Musika at Teatro at pinarangalan bilang Reyna ng Kundiman noong 1979.

Ipinanganak siya noong 11 Enero 1902 sa Pandacan, Maynila at lumaki kina Pastora Matias, at sa asawa nitong si Leon Ignacio. Ikinasal siya noong 1932 kay Amado V. Hernandez, isang makata.

Mga nilalaman

[baguhin] Kabataan

Sa edad na pitong taong gulang, siya ay nagsimulang gumanap bilang batang karakter sa mga sarsuwelang espanyol tulad ng La mascota (The Mascot), Sueño de un vals (Dream Waltz), Marina at Viuda alegre (Merry Widow).

Labindalawang taong gulang si Atang dela Rama nang simulan niya ang pag-aaral sa pagtugtog ng biyulin kasama si Ignacio at nagpakadalubhasa sa piyano kasama si Vincenzo Gambardella. Nagkaroon naman siya ng pagsasanay sa pag-aawit kasama si Victorino Carrion at Galia Arellano. Sa gulang na 14, ginampanan niya ang papel na Angelita sa Dalagang Bukid, 1917, na isinulat nina Ignacio at Hermogenes Ilagan para lamang sa kanya. Ang sarsuwela na ito ang nagpasikat sa kanya at nagkaroon ng halos 1000 na pagtatanghal bago mag-1940. Isinapelikula rin ang Dalagang Bukid noong 1919 at pinangunahan ito ni dela Rama.

[baguhin] Edukasyon

Nakapagtapos siya bilang isang Parmasyotika sa Centro Escolar de Señoritas (ngayon ay Centro Escolar University) noong 1922. Kumuha rin siya ng mga kurso sa Royal Dramatic Theater Academy sa New York noong 1925.

[baguhin] Ilang Pagtatanghal

Inawit ni Atang dela Rama ang musika ni Ignacio sa mga sarsuwelang nilikha ng mga tanyag na manunulat ng panahon na iyon gaya ng: Alamat ng Nayon, 1927; Ararong Ginto, 1925; at Ang Kiri, 1926 ni Servando de los Angeles; Sa Bunganga ng Pating, 1921 ni Julian Cruz Balmaseda; Paglipas ng Dilim, 1920 ni Precioso Palma; Anak ng Dagat, 1921 ni Patricio Mariano; Ang Mestiza, 1920 ni Engracio Valmonte; at Sundalong Mantika, 1920 ni Florentino Ballecer.

Kundiman

Nakilala rin si Atang dela Rama sa pag-awit ng mga kundiman na ginawa ng mga sikat na kompositor noong 1920 at 1930, tulad nina Nicanor Abelardo, Francisco Santiago, Bonifacio Abdon, Francisco Buencamino Sr., at Constancio de Guzman. Siya ang nagpasikat ng mga awiting:

  • Bituing Marikit
  • Madaling Araw
  • Mutya ng Pasig
  • Anak Dalita
  • Kundiman ng Luha
  • Kundiman ni Abdon

[baguhin] Ilang Akda

Noong 1930, napuna ni Atang dela Rama na kakaunting mga sarsuwela lamang ang naisusulat, kaya't siya na mismo ang lumikha ng sarili niyang mga libreto at kinalaunan ay itinanghal ng Samahang de la Rama. Ito ang ilan sa kanila:

  • Bulaklak ng Kabundukan
  • Anak ni Eba
  • Puri at Buhay


[baguhin] Sanggunian

[baguhin] Pagkilala

WikiFilipino footer.png Orihinal na nilalaman mula sa WikiFilipino sa bisa ng GNU Free Documentation License. Tingnan ang pagtanggi.