Francisco Benitez

Mula Wikifilipino

Si Francisco Benitez (4 Hunyo 1887 – 30 Hunyo 1951) ay isang guro, awtor, editor, at unang dekano ng Edukasyon sa Unibersidad ng Pilipinas.

Nilalaman

1 Buhay
2 Sanggunian
3 Panlabas na kawing
4 Pagkilala

Buhay

Nakapag-aral si Benitez sa Philippine Normal College, noong 1904, at nakabilang sa mga unang pensyonados na pinadala sa Amerika noong 1905. Naging mag-aaral sa Western Illinois State College noong 1908. Nagkamit ng diploma sa Batsilyer ng Edukasyon (1910) at Masteral ng Sining (1910), sa Columbia University.

Pagbalik ng Filipinas, nakamit niya ang Doktorado ng Batas (honoris causa) sa University of Manila, noong 1929, at Doktorado ng Edukasyon (honoris causa) sa National University, noong 1951.

Naging direktor ng Office of Private Education at Secretary of Public Instructions noong 1946. Bilang manunulat, ang Educatinal Progress in the Philippines and Studies of Great Filipino ay isa sa nalathalang likha ni Benitez.

Natanggap ni Benitez ang “Teacher of Teachers Award”, na galing kay Pang. Elpidio Quirino noong 1948, at “Teacher of the Year Award”na ginawad ng UP College of Education Alumni noong 1950.