Florante at Laura

Mula sa Wikifilipino
Tumalon sa: paglilibot, paghahanap

Upang basahin ang artikulong ito sa Ingles, pindutin ang link na ito. Ang Florante at Laura ay isang obra maestra ni Francisco Baltazar, na kilala rin bilang Balagtas. Itinuturing ito bilang isa sa mga pinaka-maimpluwensiyang tulang naisulat sa Pilipinas. Ang pamagat ng "Florante at Laura" ay isang pagdadaglat ng aktuwal na pamagat ng tula. Ito ay may titulong Pinagdaanang búhay ni Florante at ni Laura sa kahariáng Albanya: Kinuhà sa madláng cuadro histórico o pinturang nagsasabi sa mg̃á nangyari nang unang panahón sa imperyo ng̃ Gresya, at tinulâ ng̃ isáng matuwaín sa bersong Tagálog.

Ang Florante at Laura ay sinasabing resulta ng pagkabigo ni Baltazar sa pag-ibig matapos mawala sa kaniya ang babaeng kaniyang iniibig nang lubos, si Maria Asuncion Rivera sa isang mayaman at makapangyarihang lalake na si Mariano Capule. Si Rivera ay umano ang babaeng tinutukoy ni Baltazar bilang “Celia” at MAR sa kaniyang tula. Ang Florante at Laura ay isinulat din upang isalarawan ang sitwasyon ng bansa sa ilalim ng pamamahala ng mga Kastila. Ipinakikita ng tula na hindi dapat gamitin ang pagkakaiba ng relihiyon para diskriminahin ang isa’t isa. Ang Florante at Laura ay itinuturing na awit ngunit patula ang anyo. Ito ay mayroong 399 na saknong at nakasulat sa isang makatang paraan na may mga sumusunod na katangian:

  • Mayroong apat na linya bawat saknong
  • Mayroong 12 pantig bawat linya
  • Ang tugma nito ay AAAA
  • Mayroong sandaling pagtigil sa ika-anim na pantig
  • Bawat saknong ay kumpleto at tama sa gramatikong pangungusap
  • Ang bawat saknong ay puno ng talinghaga


Mga nilalaman

[baguhin] Mga tauhan

  • Florante – anak na lalake ni Duke Briseo at Prinsesa Floresca; minamahal ni Laura; tagapagtanggol ng Albanya
  • Laura – anak na babae ni Haring Linceo; minamahal ni Florante
  • Aladdin – isang sundalong Muslim; anak na lalake ni Sultan Ali-Adab ng Persya; iniibig ni Flerida
  • Flerida – Prinsesa ng Persya; iniibig ni Aladdin; ang babaeng nagligtas kay Laura
  • Konde Adolfo – taksil; anak na lalake ni Konde Sileno; mortal na kaaway ni Florante
  • Duke Briseo – Pangalawang Puno ng Albanya; ama ni Florante; asawa ni Prinsesa Floresca
  • Prinsesa Floresca – nanay ni Florante; asawa ni Duke Briseus, prinsesa ng Krotona
  • Haring Linceo – hari ng Albanya; ama ni Laura
  • Antenor – guro ni Florante habang siya ay nag-aaral sa Atenas
  • Konde Sileno – ama ni Konde Adolfo
  • Menandro – kaklase at kaibigang matalik ni Florante
  • Menalipo – pinsan ni Florante
  • Sultan Ali-Adab – ama ni Aladdin; hari sa Persya
  • Heneral Osmalik – isang heneral ng Persya na gustong sakupin ang Krotona
  • Heneral Miramolin – heneral ng Turkiya; nanguna sa grupo ng Persya para sakupin ang Albanya

[baguhin] Buod

Ang hindi matutularang obra maestro ni Francisco “Balagtas” Baltazar, ang prinsipe ng mga makatang Pilipino, ang Florante at Laura ay isang salaysay ng pag-ibig at alegorya ng kalagayan ng Pilipinas sa ilalim ng kolonya ng mga Espanyol.

Ang kapanahunan ng tula ay nasa oras ng digmaang pangrelihiyon, kaya madalas ang lugar ng tula ay nasa nakakatakot at mapanglaw na kagubatan, kung saan si Florante na isang batang Cristianong maharlika ay itinali sa puno at iniwanan para kainin ng dalawang leon. Siya ay binalak patayin ng kaaway na pumatay sa kaniyang ama at umagaw kay Laura, ang kaniyang iniibig. Si Florante ay nailigtas ng hindi niya inaasahang tagapagligtas: si Aladin, isang prinsipeng Muslim na lumayas sa kaniyang sariling kaharian. Ang bagong magkaibigan ay nagpalitan ng kuwento ng mapait na pag-ibig, pagtataksil, at pagkakatapon sa kanila, natutunan nila na hindi lamang sila ang may kapalarang tulad nila na nagdala sa kanila sa kagubatan. Ang kanilang pagkakadiskubre ay nagdulot para dalhin ang istorya nitong sagisag ng panitikan ng Pilipinas sa resolusyon nito.


[baguhin] Saggunian


[baguhin] Pagkilala

WikiFilipino footer.png Orihinal na nilalaman mula sa WikiFilipino sa bisa ng GNU Free Documentation License. Tingnan ang pagtanggi.