Filipino Folk Songs

Mula sa Wikifilipino
Tumalon sa: paglilibot, paghahanap
Fil folk songs.jpg

Ang Filipino Folk Songs ay mga awiting sumasalamin sa araw-araw na pamumuhay ng mga katutubo at mamamayan ng Pilipinas.

Ang mga awiting ito ay nagkukuwento tungkol sa mga katutubo, lalo na ng mga probinsya sa kanilang simpleng pamumuhay, at kung paano nila ginagawa ang iba’t ibang gawain. Tulad din ng ibang katutubong awitin sa mga bansa sa Asya, ang mga liriko at paksa ay may kaugnayan sa kalikasan.

Mga nilalaman

[baguhin] Tatlong kategorya

Ayon kay Mauricia Borromeo, ang mga katutubong awitin ng Pilipinas ay maaaring mahati sa tatlong katergorya:

[baguhin] Kanluraning uri

Ang mga awiting ito ay mula sa impluwensya at musika ng Kanluran. Matutukoy ang mga ito dahil sa mga sumusunod na katangian:

  • madaling kantahin na melodiya
  • simpleng istruktura
  • major and minor tonalities
  • doble o tripling metro
  • paggamit ng simpleng harmoniya

Naging malaki ang impluwensiya ng Espanya at Mexico sa katutubong awitin ng Pilipinas. Ang mga kanluraning uri ay nagmula sa mga lugar na mahigpit na nasakop ng Espanya.

Ang awitin ay madali lamang at maging ang mga hindi sanay na boses ay maaaring makanta ito. Kadalasan ay binubuo ito ng anim hanggang labing-isang tono, at kilala sa pagiging kalmado. Maaari itong tukuyin bilang korido o awit. Ang korido ay mayroong apat na linya ng tig-walong pantig bawat isa at ang awit ay apat na linya rin na may labing-dalawang pantig bawat isa.

Ang mga kanluraning uri ay tinatawag na "strophic". Ibig sabihin, ang melodiya ay ginagamit sa bawat saknong. Kadalasan itong sinasabayan ng gitara.

[baguhin] Katutubong salmo

Ang kategoryang ito ay malimit gamitin, pero mahalagang bahagi pa rin ng kultura. Ang mga awiting ito ay maaaring mahirap kantahin para sa isang normal na boses.

Ang mahahabang awitin na kung tawagin ay "mellisma" ay kabilang sa kategoryang ito.

[baguhin] Sekular (mula sa mga katutubong grupo)

Ang mga awitin sa kategoryang ito ay may pagkakatulad sa ilang tradisyunal na awitin na makikita sa Asya. Maraming halimbawa sa mga awiting ito, at ang kada rehiyon o dayalekto sa bansa ay may kanya-kanyang tanyag na sekular na katutubong awitin:

  • Bisaya: Dandansoy
  • Ilokano: Pamulinawen
  • Kapampangan: Atin Cu Pung Singsing
  • Waray: Lawiswis Kawayan

Sa dami ng mga awiting ganito sa bansa, ang "Bahay Kubo", "Paru-Parong Bukid" at "Magtanim ay di Biro" ang maituturing na pinakasikat sa lahat.

Bahay kubo
Bahay kubo, kahit munti
Ang halaman doon ay sari-sari,
Singkamas at talong Sigarilyas at mani
Sitaw, bataw, patani
Kundol, patola, upo't kalabasa
At saka meron pang
Labanos, mustasa
Sibuyas, kamatis
Bawang at luya
Sa paligid nito puno ng linga.
Paruparong Bukid
Paruparong bukid na lilipad-lipad
Sa gitna ng daan papagapagaspas
Sang bara ang tapis
Sang dangkal ang manggas
Ang sayang de kola
Sang piyesa ang sayad
May payneta pa siya -- uy!
May suklay pa mandin -- uy!
Nagwas deohetes ang palalabasin
Haharap sa altar at mananalamin
At saka lalakad ng pakendeng-kendeng.
Magtanim ay Di Biro
Magtanim ay di biro
Maghapong nakayuko
Di naman makatayo
Di naman makaupo
Braso ko'y namamanhid
Baywang ko'y nangangawit
Binti ko'y namimitig
Sa pagkababad sa tubig
Halina, halina mga kaliyag
Tayo'y magsipag-unat-unat
Magpanibago tayo ng lakas
Para sa araw ng bukas

Kabilang din sa mga sikat at paboritong katutubong awit ng mga Pilipino ang "Sitsiritsit Alibangbang", "Leron Leron Sinta", "Lulay", at "Aking Bituin".

[baguhin] Sanggunian

http://fil.wikipilipinas.org/index.php?title=Filipino_Folk_Songs&action=edit&section=5

[baguhin] Panlabas na kawing

[baguhin] Pagkilala

WikiFilipino footer.png Orihinal na nilalaman mula sa WikiFilipino sa bisa ng GNU Free Documentation License. Tingnan ang pagtanggi.

fhsjfhshchgsdcfxfsgfhfhfhfsdsfdsghghdfdfgugjsqgdddhvdkvjvjypn