Balita: Pagmumulto ng mga Biktima ng MV Princess of the Stars

Mula sa Wikifilipino
Tumalon sa: paglilibot, paghahanap
Ang lumubog na MV Princess of the Stars

Ayon sa mga residente sa isla ng Sibuyan sa lalawigan ng Romblon, ang lugar kung saan lumubog ang MV Princess of the Stars, hindi sila magkakaroon ng katahimikan hangga't hindi mahahatak ang naturang barko palayo sa kanilang lugar gayun din ang mga bangkay ng biktima na nakulong sa loob at mabigyan ng nararapat na libing.

Ang mga naninirahan malapit sa baybayin, kung saan bumaliktad ang barko at nakikita ang harap ng bapor sa dagat Sibuyan, ay nagpapahayag na nakakarinig at nakakakita ng nakakapangilabot na mga tunog at pangitain mula ng lumubog ito noong Hunyo 2008.

Mga nilalaman

[baguhin] Mga Kababalaghan

[baguhin] Babaeng nakaputi

Sa lalawigan ng San Fernando, madalas daw silang nakakakita ng isang babaeng nakaputi habang naglalakd sa dalampasigan, mga taong kumakanta, gayun din ang hindi maipaliwanag na ingay ng isang marahas na kaguluhan.

Ang mga tauhan ng Philippine Coast Guard na nakabantay doon sa nakakaramdam din ng mga hindi maipaliwanag na pagpapramdam.

[baguhin] Babaeng nakapula

Noong Oktubre 26, ang mga opisyal at residente ng San Fernando ay nag-alay ng misa para sa biktima ng trahedya. Ang kanilang alkalde na si Nanette Tansingco ay inanyayahan ang mga kamag-anak ng mga namatay gayun din ang mga kamag-anak ng nawawala na umupo sa tabi ng mga opisyal. Nabanggit niya sa isa sa kaniyang tauhan na si Arlene Relos na nakakita siya ng isang babaeng nakapula at ngumiti sa kaniya bago nag-umpisa ang misa. Sinuring mabuti ng mga empleyado ng town hall ang buong baybayin ngunit wala silang nakitang babaeng nakapula.

"We looked for her but she was not there. There was talk that she might be one of the dead passengers who visited us to say thank you," ayon kay Relos.

Ang naturang barko ay pag-aari ng Sulpicio Lines Inc. kung saan my karga itong 864 na katao nang pumalaot ito mula Maynila papuntang Cebu noong Hunyo 21. Ang bilang lamang ng nabuhay ay naitala sa 56 ng lumubog ito sa kasagsagan ng bagyong "Frank." May natagpuang 350 na bangkay sa mga sumunod na araw matapos ang paglubog. Ang iba ay pinaniniwalaang nawawala. Ang mga maninisid ay nakakuha ng 113 na bangkay mula nang magumpisa ang retrieval operation noong Oktubre 26.

[baguhin] Pagpapramdam sa mga Maninisid

Ang mga maninisid ay patuloy sa pagsasalba sa mga biktima at patuloy din silang nakakaranas ng mahiwaga at di-pangkaraniwang pangyayari sa ilalim ng tubig. Ayon sa mga empleyado ng Harbor Star, ang mga maninisid ay nahirapang kunin ang ika-13 patay na halos nalagay sa peligro ang kanilang buhay. Dumaan ang tatlong oras sa pagsubok na kunin ang labi ngunit sumuko din sila. Nang makuha nila ang bangkay kinabukasan, nilagyan ng ekis ng mga tauhan ng forensic ang nakasulat na numerong 13 sa body bag sa paniniwalang mawawala ang malas.

Ayon naman sa isang maninisid ng Coast Guard, may isang pagkakataon na nahirapan ang buong tauhan na hanguin ang angkla ng isa sa kanilang rescue ships. Ang kagamitan na ginagamit nila sa paghango ng angkla ay mistulang nabalaho sa isang malaking bato sa seabed. Ngunit nang sinisid nila 95 na talamapakan sa ilalim ng dagat upang tingnan kung ano ang naging problema, nakita nilang wala namang nakaharang o anu mang balakid at naiangat nila ang angkla ng buong gaan.

Ayon naman kay Alkalde Nanette Tansingco, ayon sa mga kuwento ng mga nakakakita, madalas daw silang may namamataang dumadaan na "gintong" barko sa mismong lugar na pinaglubugan ng barko.

[baguhin] Mga hindi Maipaliwanag na mga Tunog

Ayon sa mga residente na naninirahan malapit sa tumaob na barko, may mga naririnig silang mga pagkatok na nagmumula sa gitna ng dagat, sa parehong oras kung kailan lumubog ang barko. Ang mg apagkataok ay mistulang mga dagundong na nagmumula sa pinto o pader ng barko. May naririnig din sila na iyak at atungal ng bata.

[baguhin] Kakila-kilabot na Panaginip at Gabing hindi Makatulog

Sila Levy Samuele at Ernesto Clerin, na kapwa namatayan dulot ng trahedya, ay pumunta sa San Fernando noong nakaraang buwan upang maging saksi sa naturang retrieval operations. Ayon sa kanila, nakakaramdam sila ng kakaibang pakiramdam kung saan may malakas na puwersang humahatak sa kanila papunta sa lugar kung saan lumubog ang barko.

Si Clerin, na namatayan ng asawa ay patuloy na napapanaginipan ang kaniyang asawa bago siya bumiyahe papunta sa pinagyarihan ng trahedya.

Si Samuele naman ay patuloy pa ring hinahanap ang kaniyang pinsan at tatlong taong gulang na pamangkin. Mula nang siya ay dumating sa nasabing lugar, nararamdaman niyang nasa paligid lamang at nagmamasid-masid ang kaniyang mga yumaong kamag-anak. Naalala pa ni Samuele na bago pa man lumubog ang nasabing barko, ay naramdaman niyang humihingi sa kaniya ng tulong ang kaniyang pamangkin. Kung minsan naman ay naririnig niyang tumatawa ang paboritong manika ng kaniyang pamangkin. PInaglaruan niya ito bago siya sumakay sa barko.

[baguhin] Flotation device

May isang mangingisda na lumayag malapit sa lumubog na barko. Nagtapon siya ng lumang flotation device/life saving device at nang ito ay dumampi sa tubig, agad-agad itong nawala at lumubog sa ilalim ng dagat na mistulang may umaagaw sa naturang kagamitan. Hindi na ito bumalik o lumutang man lang sa ibabaw ng tubig.

[baguhin] Sanggunian

[baguhin] Pagkilala

Wikifilipino.png Orihinal na nilalaman mula sa WikiFilipino sa bisa ng GNU Free Documentation License. Tingnan ang pagtanggi.