Anak (pelikula)

Mula sa Wikifilipino
Tumalon sa: paglilibot, paghahanap


Anak.jpg | Rory B. Quintos | Ricardo Lee at Raymond Lee | Tingnan ang talaan | Mayo 10, 2000 | Pilipinas | Tagalog, Filipino | http://www.imdb.com/title/tt0246425/ |
Anak
Talaksan:Anak.jpg
Directed by Rory B. Quintos
Produced by
Written by Ricardo Lee at Raymond Lee
Narrated by
Starring Tingnan ang talaan
Music by
Cinematography
Editing by
Distributed by
Release date(s) Mayo 10, 2000
Running time
Country Pilipinas
Language Tagalog, Filipino
Budget
Preceded by
Followed by
Official website
All Movie Guide profile
IMDb profile

Ang Anak ay isang pelikula noong 2000 na handog ng Star Cinema para sa mga OFW (Overseas Filipino Workers) sa iba't ibang dako ng mundo. Sa natatanging pelikula na ito na sumikat sa takilya at kumita ng mahigit 160 milyon piso ay pinagbibidahan nina Vilma Santos at Claudine Baretto. Noong 2000, ang pelikulang ito ang pinakatanyag na pelikula sa kasaysayan ng pelikula sa industriyang Pilipino dahil sa laki ng binatak nito sa takilya.

Mga nilalaman

[baguhin] Buod ng kuwento

Ang istorya ay tungkol kay Josie (Vilma Santos), isang ina na nagtatrabaho sa Hong Kong bilang domestic helper. Ginawa niya ito upang makapagpadala ng pera sa mga anak niya upang matustusan ang kanilang pangangailangan. Binangggit niya na ginagawa nya ito para mabigyan ng magandang kinabukasan ang kanyang mga anak. Bagama't siya ay malayo sa kanila, tiniis nya ang mga pasakit ng kanyang amo at ang kanyang pagnanais na makasama ang kanyang mga anak sa kanilang paglaki.

Nagsimula sa isang masayang mag-anak, nagkawatak watak ang buhay ng mga anak ni Josie magmula ng yumao ang kanilang ama na syang kasama nila sa bahay. Dito nagsimulang masuklam si Carla (Claudine Baretto) sa kanyang ina. Nagpadala sila ng sulat sa inang nasa Hong Kong upang malaman ang nangyari at nang sya'y umuwi. Gayunpaman, hindi nabasa ni Josie ang sulat dahil sya ay kinulong ng kanyang amo sa loob ng kanilang bahay nang sila'y lumipad sa Estados Unidos ng isang buwan. Nabasa ni Josie ang sulat pagkaraan ng isang buwan, ngunit hindi pa rin siya pinayagan ng kanyang among umuwi kahit magmakaawa pa siya.

Pagkaraan ng ilang taon, umuwi na rin si Josie. Nagawa nya ito dahil itigil na nya ang kanyang trabaho sa Hong Kong. Nagnanais siyang magtayo ng isang negosyo na kasosyo ang kanyang dalawang kaibigan. Namuhunan silang tatlo ng taksi para ipasada sa kalsada. Masaya ang kanyang pagbalik pagkaraan ng anim na taong pangungulila. Gayunpaman, naharap nya ang matabang na pagsalubong ng mga anak. Si Daday, ang bunso, ay hindi sya kilala. Si Michael (Baron Geisler) ay mahiyain at walang kimi at si Carla, na hindi man lang ginagalang ang ina at iniitsa-pwera lamang.

Ninais ni Josie na makuha ang simpatiya ng mga anak sa pamamagitan ng mga pasalubong. Hindi ito tinanggap ni Carla. Sa pagdaan ng panahon, unti-unti nakikita ni Josie ang mga bisyo at karanasan ni Carla, paninigarilyo, tattoo, paghihithit ng droga, panlalalake at paglalaglag ng bata. Dagdag pa dito ang pagkawala ng iskolarship ni Michael na siya pa namang pinakamatalino sa kanyang mga anak. Nabangga pa ang taksing pinundar ni Josie at iniwan siya ng isa sa mga kasosyo niya dahil nagastos niya ang perang ibabahagi sana niya.

Sa sunud-sunod na problema ni Josie, gusto na sana niyang sumuko. Pinagtatabuyan siya ni Carla. Lumala pa ang alitan ng lumayas si Carla sa bahay at lalong nalulong sa kanyang bisyo. Nang mawala ang iskolarship ni Michael, nagsimula ng mag-init ang ulo ni Josie dahil ang dami na ng kanyang binabayaran. Dahil dito, napahiya sa Michael sa mga pangarap na gusto ng ina niya sa kanya. Lumayas din si Michael.

Nagtuluy-tuloy ang kamalasan ni Josie kasabay ng pagkaunti ng kanyang inimpok na salapi para sa kanyang pamilya. Dahil dito, napilitan siyang magbalik sa Hongkong. Isang gabi bago siya babalik sa Hong Kong, napuno si Josie sa pagtrato sa kanya ni Carla. Malaki ang alitan ng dalawa hanggang sa binuhos nya ang lahat lahat ng kanyang nararamdaman sa mga anak. Sa oras na ito, namulat ang mga mata ni Carla sa katotohanang sya ang sumira sa buhay niya at wala na siyang mapagbabalingan ng sisi kundi ang sarili nya dahil sa pagpapalalo nya sa kanyang bisyo. Ang kanyang paglaki ng walang inang gumagabay sa kanyang tabi ang nagtaboy sa kaniya para magrebelde, ngunit sa kanilang alitang iyon, naintindihan rin ni Carla ang pagmamahal ni Josie sa kanila bagama't malayo sya sa kanilang tabi.

[baguhin] Mga Tauhan

[baguhin] Mga parangal

Ito rin ang napili ng mga opisyales ng pelikula sa Pilipinas para isali sa Academy Awards sa Estados Unidos para sa kategorya ng Best Foreign Film. Gayunpaman, hindi ito napili para sa nominasyon. Ang pelikulang ito ay ipinalabas din sa iba't ibang panig ng mundo.

Ika-19 na FAP Awards

  • Pinakamahusay na Sumusuportang Aktres (Best Supporting Actress): Amy Austria
  • Pinakamuhusay na Pagsulat ng Iskript (Best Screenplay): Ricky Lee

Ika-17 Star Awards

  • Pinakamahusay na Aktres (Best Actress): Vilma Santos
  • Ikatlong Gawad Sining Sine (PASADO Awards)
  • Pinakamahusay na Pelikula (Best Picture)

The Catholic Mass Media Awards

  • Pinakamahusay na Pelikula (Best Film)

[baguhin] Sanggunian

[baguhin] Kawing Panlabas