Unang Pahina

Mula sa Wikifilipino
Tumalon sa: paglilibot, paghahanap
mabuhayJun2010.png
Tuloy kayo sa WikiFilipino
9,074 artikulo sa Filipino at dumarami....
flag.gif

Sumali sa Komunidad ng Wiki

Gabay sa pagsusulat sa Wiki

Tampok na Artikulo

edit



Si Antonio Luna (Oktubre 29, 1866 - Hunyo 5, 1899) ay nakakabatang kapatid ni Juan Luna. Siya ay nakilala bilang isa sa mga mahuhusay na manunulat, sundalo, makabayan, at martir para sa Pilipinas. Ipinanganak siya sa Maynila noong ika-29 ng Oktubre, 1866 sa Binondo, Maynila. Siya ang bunsong anak nina Joacquin Luna at Laureana Novicio. Nagtapos siya ng Bachiller en Artes sa Ateneo de Manila noong 1883 sa murang edad na 15. Kumuha rin siya ng kursong parmasyutika sa Unibersidad ng Santo Tomas at nakamit niya ang kanyang lisensya sa kursong ito sa Unibersidad de Barcelona. Natapos din siya sa pagkakadalubhasa sa parmasyutika sa Ghent, Belhika. Sa propesyon ay isa siyang parmasyotiko.


Wiki-Balita

edit

Pagsasauli ng yaman ng mga Marcos, wala pang pormal na usapan

Binasag na ni Ilocos Norte Governor Imee Marcos ang katahimikan ng kanilang pamilya ukol sa bali-balitang ibabalik umano ng kanilang pamilya ang ilang bahagi ng kayamanan ng pamilya Marcos. Aniya, naniniwala siyang matatapos na ni Pangulong Rodrigo Duterte ang ilang dekada nang pagsasakdal sa bilyon pisong ill-gotten wealth ng kanilang pamilya noong panahon ng panunungkulan ni dating Pangulong Ferdinand Marcos.

Dagdag pa niya, wala pang nagaganap na pag-uusap o negosasyon ukol dito. Aniya, nag-uusap pa ang kanilang pamilya at ang kanilang mga abogado.

Ngunit, itinanggi ni Imee na may alam siya sa umano’y 7,000 toneladang ginto na itinago umano ng kanilang pamilya sa iba’t ibang bahagi ng mundo ayon kay Buhay Representative Lito Atienza. Ani Atienza, nabanggit ito noon sa kaniya ni dating First Lady Imelda Marcos noong alkalde pa siya ng Maynila ilang taon na ang nakalilipas.

Ani Pangulong Duterte, isang spokesperson ng mga Marcos na hindi na niya pinangalanan, na handang isauli ng mga Marcos ang ilan nilang yaman kabilang na ang iilang gold bars upang masolusyonan ang budget deficit ng bansa.

P170 bilyon na ng ill-gotten wealth ang nakuha noong 2016 ng Presidential Commission on Good Governance mula sa mga Marcos at kanilang mga cronies.

'

Taas-Noo Pilipino

edit


A tolentino.jpg

Si Aurelio Tolentino (13 Oktubre 1867 – 5 Hulyo 1915) ay mandudula, nobelista, at orador sa wikang Espanyol, Tagalog, at Pampango, bukod sa pagiging katipunero. Si Tolentino ang nagtatag ng Filipinas, at El Parnaso Filipino. Kasama ni Tolentino si Andres Bonifacio sa paghahanap ng kanilang mga lihim na kuta sa kabundukan ng Montalban at San Mateo, Rizal. Napili nila ang Kuweba Pamitinan na maging himpilan, hanggang matuklasan ito ng mga Espanyol noong 12 Abril 1895.


Tatak Pinoy!

edit

Chips.jpg

Ang pagkain ng mga kutkutin ay nakaugalian na ng mga Pilipino tuwing merienda. Ang mga kutkutin ay kinabibilangan ng mga pagkaing tulad ng mga tsitsirya, na mabibili ng pwedeng kainin at ginagamitan lamang ng kamay sa pagkain. Bagama't naging popular na ang pagkain ng mga ito tuwing oras ng meryenda, hindi naman limitado sa ganitong oras ang pagkonsumo sa mga ito. Popular ang kutkutin sa lahat ng parte ng Pilipinas. Makikitang kumakain nito ang mga tao sa kalsada, mga nanonood ng telebisyon sa kanilang tahanan, mga magkakaibigang nasa eskwelahan, mga taong nagtatrabaho at marami pang iba.



Tampok na Video

edit


Ang inasal (Kastila: asado; Ingles: roast; Portuges: churrasco) ay isang uri ng pagluluto kung saan binusa sa tapahan (Ingles: oven) ang putahe. Kasingkahulugan nito ang pag-ihaw, pagbusa, pagbanggi o paglitson. Sa paglulutong Pilipino, mabagal ang pagpapakulo, may kaanghangan, at masidhi ang pagkakatimpla. Ang inasal ay isa ring popular na pamamaraan ng pagluto sa Arhentina.

Ngayong Buwan...

edit

Masskara.jpg

Ang MassKara Festival ay ipinagdiriwang sa Bacolod tuwing Oktubre. Kilala ito bilang isa sa pinakamakulay na pagdiriwang sa buong Pilipinas.

Unang ginanap ang MassKara Festival bilang panghalili sa kinagawian nang pagdiriwang sa Bacolod na kinatatampukan ng parada ng mga militar, pagkilala sa ilang mga piling personalidad at mga programang musikal tuwing anibersaryo nang pagkakatatag ng naturang lungsod. Nagsimula ito noong panahon ng krisis sa naturang bayan.

Ang MassKara ay mayroong dalawang kahulugan. Una, ito ay resulta ng pinagsamang Ingles na salitang “mass” na ang ibig sabihin ay “marami” at Español na salitang “kara,” na nangangahulugan ng “mukha.” MassKara rin ang lokal na tawag sa salitang “mask”, na itinuturing ngayong isang malaking parte nang pagdiriwang.

Alam mo ba...

edit


Na ang Escolta sa Binondo ay tinaguriang “it” street noong araw. Nagsilbi itong shopping mecca ng mga mayayaman noon. Dito matatagpuan ang unang ice cream parlor sa bansa, ang Clarke's Ice Cream Parlor; unang movie house, ang Salon de Pertierra; ang unang elevator (sa Burke Building); at unang radio studio (ng DZBB sa Calvo Building). Kasalukuyang abala ang iba't ibang heritage conservation groups at youth organizations sa pagpapanumbalik ng dating glorya ng minsan na ring na itinuring na queen of streets.


'

Mga Kasabihan at Salawikain

edit

Anonimos


"Ang buhay ay parang tanghalan
Lahat tayo ay may papel na ginagampanan."


'